Example

1.
2.
3.
4.
5.
6.
7.
8.

詩篇二十三篇： /Si-phian jī-cha̍p-saⁿ-phiⁿ/: Si-phian jī-cha̍p-saⁿ-phiⁿ:
(一) 大闢的詩。 /Tāi-pi̍t ê si/. Tāi-pi̍t ê si.
上主是我的牧者， /Siōng Chú sī góa ê bo̍k-chiá/, Siōng Chú sī góa ê bo̍k-chiá,
我無欠半項。 /góa bô khiàm pòaⁿ-hāng/. góa bô khiàm pòaⁿ-hāng.
(二) 伊互我倒佇青翠的草埔， /I hō͘ góa tó tī chhiⁿ-chhùi ê chháu-po͘/, I hō͘ góa tó tī chhiⁿ-chhùi ê chháu-po͘,
導我到清靜的水邊。 /chhōa góa kàu chheng-chēng ê chúi-piⁿ/. chhōa góa kàu chheng-chēng ê chúi-piⁿ.
(三) 伊互我新的氣力， /I hō͘ góa sin ê khùi-la̍t/, I hō͘ góa sin ê khùi-la̍t,
為著伊的名導我行正直的路。 /ūi-tio̍h I ê miâ chhōa góa kiâⁿ chèng-ti̍t ê lō͘/. ūi-tio̍h I ê miâ chhōa góa kiâⁿ chèng-ti̍t ê lō͘.
(四) 我雖然經過死蔭的山谷， /Góa sui-jiân keng-kè sí-ìm ê soaⁿ-kok/, Góa sui-jiân keng-kè sí-ìm ê soaⁿ-kok,
嘛毋驚災害， /mā m̄ kiaⁿ chai-hāi/, mā m̄ kiaⁿ chai-hāi,
因為你及我同在； /in-ūi lí kap góa tông-chāi/; in-ūi lí kap góa tông-chāi;
你的棍， /lí ê kùn/, lí ê kùn,
你的柺互我安穩自在。 /lí ê koáiⁿ hō͘ góa an-ún chū-chāi/. lí ê koáiⁿ hō͘ góa an-ún chū-chāi.
(五) 佇我對敵的面前， /Tī góa tùi-te̍k ê bīn-chêng/, Tī góa tùi-te̍k ê bīn-chêng,
你為著我排設宴席； /lí ūi-tio̍h góa pâi-siat iàn-se̍k/; lí ūi-tio̍h góa pâi-siat iàn-se̍k;
你用油抹我的頭殼， /lí ēng iû boah góa ê thâu-khak/, lí ēng iû boah góa ê thâu-khak,
款待我作貴賓， /khoán-thāi góa choh kùi-pin/, khoán-thāi góa choh kùi-pin,
斟我的杯到滿出來。 /thîn góa ê poe kàu móa--chhut-lâi/. thîn góa ê poe kàu móa--chhut-lâi.
(六) 你的恩典慈愛一定一世人及我做伴； /Lí ê un-tián chû-ài it-tēng chi̍t-sì-lâng kap góa chòe phōaⁿ/; Lí ê un-tián chû-ài it-tēng chi̍t-sì-lâng kap góa chòe phōaⁿ;
我欲永遠住佇上主你的厝。 /góa beh éng-oán tòa tī Siōng Chú lí ê chhù/. góa beh éng-oán tòa tī Siōng Chú lí ê chhù.

9.
10.
11.

加拉太第五章 /Ka-lia̍p-thài tōe gō͘ chiuⁿ/ Ka-lia̍p-thài tōe gō͘ chiuⁿ:
(一) 為著欲互咱有自由， /Ūi-tio̍h beh hō͘ lán ū chū-iû/, Ūi-tio̍h beh hō͘ lán ū chū-iû,
基督已經有給咱解放。 /Ki-tok í-keng ū kā lán tháu-pàng/. Ki-tok í-keng ū kā lán tháu-pàng.
所以著徛在， /Só͘-í tio̍h khiā-chāi/, Só͘-í tio̍h khiā-chāi,
毋通閣受壓制做奴隸！ /m̄-thang koh siū ap-chè chòe lô͘-lē/! m̄-thang koh siū ap-chè chòe lô͘-lē!
(二) 我保羅給恁講， /Góa Pó-lô kā lín kóng/, Góa Pó-lô kā lín kóng,
著注意聽： /tio̍h chù-ì thiaⁿ/: tio̍h chù-ì thiaⁿ:
恁若受割禮， /Lín nā siū kat-lé/, Lín nā siū kat-lé,
基督就對恁攏無利益。 /Ki-tok chiū tùi lín lóng bô lī-ek/. Ki-tok chiū tùi lín lóng bô lī-ek.
(三) 我閣一遍給逐個甘願接受割禮的人警告， /Góa koh chi̍t piàn kā ta̍k-ê kam-goān chiap-siū kat-lé ê lâng kéng-kò/, Góa koh chi̍t piàn kā ta̍k-ê kam-goān chiap-siū kat-lé ê lâng kéng-kò,
此個人有義務遵守全部的律法！ /chit-ê lâng ū gī-bū chun-siú choân-pō͘ ê Lu̍t-hoat/! chit-ê lâng ū gī-bū chun-siú choân-pō͘ ê Lu̍t-hoat!
(四) 恁諸個想欲靠遵守律法得著及上帝有合宜關係的人， /Lín chiah-ê siūⁿ-beh khò chun-siú Lu̍t-hoat tit-tio̍h kap Siōng-tè ū ha̍p-gî koan-hē ê lâng/, Lín chiah-ê siūⁿ-beh khò chun-siú Lu̍t-hoat tit-tio̍h kap Siōng-tè ū ha̍p-gî koan-hē ê lâng,
是及基督斷絕關係， /sī kap Ki-tok toān-choa̍t koan-hē/, sī kap Ki-tok toān-choa̍t koan-hē,
失落上帝的恩典。 /sit-lo̍h Siōng-tè ê un-tián/. sit-lo̍h Siōng-tè ê un-tián.
(五) 阮迫切啲聽候， /Goán pek-chhiat teh thèng-hāu/, Goán pek-chhiat teh thèng-hāu,
向望上帝互咱及伊有合宜的關係； /ǹg-bāng Siōng-tè hō͘ lán kap I ū ha̍p-gî ê koan-hē/; ǹg-bāng Siōng-tè hō͘ lán kap I ū ha̍p-gî ê koan-hē;
此個向望靠上帝的神， /chit-ê ǹg-bāng khò Siōng-tè ê Sîn/, chit-ê ǹg-bāng khò Siōng-tè ê Sîn,
對信才會當實現。 /tùi sìn chiah ōe-tàng si̍t-hiān/. tùi sìn chiah ōe-tàng si̍t-hiān.
(六) 因為咱若及基督耶穌結連， /In-ūi lán nā kap Ki-tok Iâ-so͘ kiat-liân/, In-ūi lán nā kap Ki-tok Iâ-so͘ kiat-liân,
有受割禮抑是無受割禮攏無要緊， /ū siū kat-lé á-sī bô siū kat-lé lóng bô iàu-kín/, ū siū kat-lé á-sī bô siū kat-lé lóng bô iàu-kín,
要緊的是有疼的行動表現出來的信心。 /iàu-kín--ê sī ū thiàⁿ ê hêng-tōng piáu-hiān chhut--lâi ê sìn-sim/. iàu-kín--ê sī ū thiàⁿ ê hêng-tōng piáu-hiān chhut--lâi ê sìn-sim.
(七) 恁已經做了真好； /Lín í-keng chòe-liáu chin hó/; Lín í-keng chòe-liáu chin hó;
是啥人給恁阻擋， /sī siáⁿ-lâng kā lín chó͘-tòng/, sī siáⁿ-lâng kā lín chó͘-tòng,
互恁無順服真理？ /hō͘ lín bô sūn-ho̍k chin-lí/? hō͘ lín bô sūn-ho̍k chin-lí?
(八) 叫恁按呢做的毋是彼位呼召恁的上帝。 /Kiò lín án-ni chòe--ê m̄-sī hit-ūi ho͘-tiàu lín ê Siōng-tè/. Kiò lín án-ni chòe--ê m̄-sī hit-ūi ho͘-tiàu lín ê Siōng-tè.
(九) 俗語講： /Sio̍k-gú kóng/, Sio̍k-gú kóng,
「一屑仔酵母會互歸個麵丸發起來。」 /“Chi̍t-sut-á kàⁿ-bú ōe hō͘ kui-ê mī-oân hoat--khí-lâi/.” “Chi̍t-sut-á kàⁿ-bú ōe hō͘ kui-ê mī-oân hoat--khí-lâi.”
(十) 佇主的內面我相信恁𣍐及我有無相像的想法。 /Tī Chú ê lāi-bīn góa siong-sìn lín bōe kap góa ū bô sio-siâng ê siūⁿ-hoat/. Tī Chú ê lāi-bīn góa siong-sìn lín bōe kap góa ū bô sio-siâng ê siūⁿ-hoat.
許個啲擾亂恁的， /Hiah-ê teh jiáu-loān lín--ê/, Hiah-ê teh jiáu-loān lín--ê,
無論是什麼人， /bô-lūn sī sím-mi̍h-lâng/, bô-lūn sī sím-mi̍h-lâng,
一定會受上帝責罰。 /it-tēng ōe siū Siōng-tè chek-hoa̍t/. it-tēng ōe siū Siōng-tè chek-hoa̍t.
(十一) 兄弟姊妹， /Hiaⁿ-tī chí-bē/, Hiaⁿ-tī chí-bē,
我若繼續傳著受割禮， /góa nā kè-sio̍k thoân tio̍h siū kat-lé/, góa nā kè-sio̍k thoân tio̍h siū kat-lé,
是按怎我猶啲受迫害？ /sī-án-chóaⁿ góa iáu-teh siū pek-hāi/? sī-án-chóaⁿ góa iáu-teh siū pek-hāi?
我若按呢做， /Góa nā án-ni chòe/, Góa nā án-ni chòe,
基督的十字架就𣍐成做阻礙。 /Ki-tok ê si̍p-jī-kè chiū bōe chiâⁿ-chòe chó͘-gāi/. Ki-tok ê si̍p-jī-kè chiū bōe chiâⁿ-chòe chó͘-gāi.
(十二) 許個啲擾亂恁的人寧可家己閹起來！ /Hiah-ê teh jiáu-loān lín ê lâng lêng-khó ka-kī iam--khí-lâi/! Hiah-ê teh jiáu-loān lín ê lâng lêng-khó ka-kī iam--khí-lâi!
(十三) 兄弟姊妹， /Hiaⁿ-tī chí-bē/, Hiaⁿ-tī chí-bē,
上帝呼召恁是欲互恁自由。 /Siōng-tè ho͘-tiàu lín sī beh hō͘ lín chū-iû/. Siōng-tè ho͘-tiàu lín sī beh hō͘ lín chū-iû.
不過毋通互恁的自由變做放縱私慾的機會。 /Put-kò m̄-thang hō͘ lín ê chū-iû pìⁿ-chòe hòng-chhiòng su-io̍k ê ki-hōe/. Put-kò m̄-thang hō͘ lín ê chū-iû pìⁿ-chòe hòng-chhiòng su-io̍k ê ki-hōe.
著用疼心互相服務。 /Tio̍h ēng thiàⁿ-sim hō͘-siōng ho̍k-bū/. Tio̍h ēng thiàⁿ-sim hō͘-siōng ho̍k-bū.
(十四) 因為全部律法包含佇「著疼厝邊親像疼家己」此個誡命。 /In-ūi choân-pō͘ Lu̍t-hoat pau-hâm tī “Tio̍h thiàⁿ chhù-piⁿ chhin-chhiūⁿ thiàⁿ ka-kī” chit-ê kài-bēng/. In-ūi choân-pō͘ Lu̍t-hoat pau-hâm tī “Tio̍h thiàⁿ chhù-piⁿ chhin-chhiūⁿ thiàⁿ ka-kī” chit-ê kài-bēng.
(十五) 著小心， /Tio̍h sió-sim/, Tio̍h sió-sim,
恁若猶啲相咬相吞， /lín nā iáu-teh sio-kā sio-thun/, lín nā iáu-teh sio-kā sio-thun,
會互相剿滅。 /ōe hō͘-siōng châu-bia̍t/. ōe hō͘-siōng châu-bia̍t.
(十六) 我的意思是： /Góa ê ì-sù sī/: Góa ê ì-sù sī:
恁著照聖神的引導生活， /Lín tio̍h chiàu Sèng Sîn ê ín-chhōa seng-oa̍h/, Lín tio̍h chiàu Sèng Sîn ê ín-chhōa seng-oa̍h,
絕對毋通求滿足本性的慾望。 /choa̍t-tùi m̄-thang kiû boán-chiok pún-sèng ê io̍k-bōng/. choa̍t-tùi m̄-thang kiû boán-chiok pún-sèng ê io̍k-bōng.
(十七) 因為人本性的慾望對抗聖神； /In-ūi lâng pún-sèng ê io̍k-bōng tùi-khòng Sèng Sîn/; In-ūi lâng pún-sèng ê io̍k-bōng tùi-khòng Sèng Sîn;
聖神對抗人的本性。 /Sèng Sîn tùi-khòng lâng ê pún-sèng/. Sèng Sîn tùi-khòng lâng ê pún-sèng.
此兩個互相敵對， /Chit nn̄g ê hō͘-siōng te̍k-tùi/, Chit nn̄g ê hō͘-siōng te̍k-tùi,
致到恁𣍐當照家己所愛去做。 /tì-kàu lín bōe-tàng chiàu ka-kī só͘ ài khì chòe/. tì-kàu lín bōe-tàng chiàu ka-kī só͘ ài khì chòe.
(十八) 恁若互聖神引導， /Lín nā hō͘ Sèng Sîn ín-chhōa/, Lín nā hō͘ Sèng Sîn ín-chhōa,
就𣍐受律法控制。 /chiū bōe siū Lu̍t-hoat khòng-chè/. chiū bōe siū Lu̍t-hoat khòng-chè.
(十九) 人本性慾望的行為真明顯， /Lâng pún-sèng io̍k-bōng ê hêng-ûi chin bêng-hián/, Lâng pún-sèng io̍k-bōng ê hêng-ûi chin bêng-hián, 
就是淫亂 /chiū-sī îm-loān/ chiū-sī îm-loān,
污穢 /ù-òe/ ù-òe,
好色 /hò͘ⁿ-sek/ hò͘ⁿ-sek,
(二十) 拜偶像 /pài ngó͘-siōng/ pài ngó͘-siōng,
行邪術 /kiâⁿ siâ-su̍t/ kiâⁿ siâ-su̍t,
敵對 /te̍k-tùi/ te̍k-tùi,
鬥爭 /tò͘-cheng/ tò͘-cheng,
嫉妒 /chi̍t-tò͘/ chi̍t-tò͘,
受氣 /siū-khì/ siū-khì,
自私 /chū-su/ chū-su,
結黨 /kiat-tóng/ kiat-tóng,
分派 /hun-phài/ hun-phài,
(二十一) 怨妒 /oàn-tò͘/ oàn-tò͘,
酒醉 /chiú-chùi/ chiú-chùi, 
花天酒地等。 /hoa-thian-chiú-tōe téng/ hoa-thian-chiú-tōe téng.
我以前曾給恁警告， /Góa í-chêng bat kā lín kéng-kò/, Góa í-chêng bat kā lín kéng-kò,
此陣閣一遍給恁警告： /chit-chūn koh chi̍t piàn kā lín kéng-kò/: chit-chūn koh chi̍t piàn kā lín kéng-kò:
做此款代誌的人𣍐當成做上帝國的子民！ /Chòe chit-khoán tāi-chì ê lâng bōe-tàng chiâⁿ-chòe Siōng-tè-kok ê chú-bîn/! Chòe chit-khoán tāi-chì ê lâng bōe-tàng chiâⁿ-chòe Siōng-tè-kok ê chú-bîn!
(二十二) 毋拘聖神所結的果子是： /M̄-kú Sèng Sîn só͘ kiat ê ké-chí sī/: M̄-kú Sèng Sîn só͘ kiat ê ké-chí sī:
仁愛 /Jîn-ài/ Jîn-ài,
歡喜 /hoaⁿ-hí/ hoaⁿ-hí,
和平 /hô-pêng/ hô-pêng,
忍耐 /jím-nāi/ jím-nāi,
仁慈 /jîn-chû/ jîn-chû,
良善 /liông-siān/ liông-siān,
忠實 /tiong-si̍t/ tiong-si̍t,
(二十三) 溫柔 /un-jiû/ un-jiû,
節制 /chiat-chè/ chiat-chè.
此款行為一般的法律無啲禁止。 /Chit-khoán hêng-ûi it-poaⁿ ê hoat-lu̍t bô teh kìm-chí/. Chit-khoán hêng-ûi it-poaⁿ ê hoat-lu̍t bô teh kìm-chí.
(二十四) 許個屬基督耶穌的人已經有將本性及一切的邪情私慾做夥釘死佇十字架。 /Hiah-ê sio̍k Ki-tok Iâ-so͘ ê lâng í-keng ū chiong pún-sèng kap it-chhè ê siâ-chêng su-io̍k chòe-hé tèng-sí tī si̍p-jī-kè/. Hiah-ê sio̍k Ki-tok Iâ-so͘ ê lâng í-keng ū chiong pún-sèng kap it-chhè ê siâ-chêng su-io̍k chòe-hé tèng-sí tī si̍p-jī-kè.
(二十五) 既然咱靠聖神啲活， /Kì-jiân lán khò Sèng Sîn teh oa̍h/, Kì-jiân lán khò Sèng Sîn teh oa̍h,
咱著順趁聖神來生活。 /lán tio̍h sūn-thàn Sèng Sîn lâi seng-oa̍h/. lán tio̍h sūn-thàn Sèng Sîn lâi seng-oa̍h.
(二十六) 咱毋通追求虛榮， /Lán m̄-thang tui-kiû hu-êng/, Lán m̄-thang tui-kiû hu-êng,
毋通彼此激氣， /m̄-thang pí-chhú kek-khì/, m̄-thang pí-chhú kek-khì,
互相怨妒。 /hō͘-siōng oàn-tò͘/. hō͘-siōng oàn-tò͘.

12.